كبده اسكندراني " مصريه اصيله من محمود عقاب

حبيباتي 000


جايبالكوا النهارده طريقة الكبده الاسكندراني
طبعا ناس كتير بيعرفوا يعملوها حلوة .. بس بجد طريقتي غير هههههههه
وان شاء الله تجربوها



* نقطع بصل وفلفل اخضر ( عادي و حار ) .





* نقطع الكبده لشرائح رفيعه او قطع صغيرة .





* في قدر ساخن علي النار نضع خليط من قطعة زبده + زيت وفصين ثوم مفروم ناعم .
(ولو عندك بعض من الدهن قطعيه قطع صغيره مع الثوم )





* ولما يصفر الثوم نطفيه بشوية خل ابيض وبعدين نشيل الدهن ( وممكن تتركيه .. براحتك ) .





* وبعدين ننزل بشرائح البصل والفلفل لحد ما يدخلوا في السوي .








* وبعدين ننزل بشرائح الكبده وتقلب بسرعه وتترك لحد ما تشرب مايتها .








* وبعدين نحطلها التوابل ( ملح وفلفل وكمون وشطه حسب الرغبه )
وبعد ما نطفي عليها النار نعصر ليمونه وده السر اللي في الكبده الاسكندراني





وتغرف وتقدم مع المكرونه او الارز
او تغمس مع العيش البلدي الطازة
امممممممممممم ....









وقدمتها مع سلطة الباذنجان بالفلفل وبطاطس محمرة
كنت نزلتها في موضوع سابق


وده الرابط بتاعها


سلطة الباذنجان بالفلفل الاخضر " مصريه 100%