الى هيستحمل الرخامه يدخل ؟؟

حوار يحرق الدم

ملحوظه هامه :الى بيعانى من اى اضطرابات فى ضغط الدم سواء كان ارتفاع او انخفاض او مش عنده دم من اساسه فمن مصلحته انه يفوت الصفحه ديه وبلاش يشيلنى ذنبه لو جرالى حاجه - الواحد مش ناقص
وقد اعذر من انذر

- صخره وقعت من فوق عماره ولوح الازاز الى تحتها متكسرش ليه ؟

علشان ماوقعتش عليه

- طب فرخه بتعدى الشارع وفجاه ماتت - ليه ؟

الصخره وقعت عليها

- طب ليه ملخفن بيحط جنبه كبايه شاى وهوه نايم ؟

علشان الشاى منبه

- طب ليه بيحط جنبه كبايه شاى وفنجان قهوه ؟

علشان لو الشاى مرنش

- طب ليه بيحط جنبه كبايه ميه فاضيه وكبايه مليانه ؟

علشان ممكن يشرب وممكن ميشربش

- وليه بيحط ملح على راسه ؟

علشان يبقى حدق

- وليه بيحط سكر على الكرسى قبل مايقعد ؟

علشان تبقى قاعدته حلوه

- حاجه طايره فى السما وبتقول نياو - ايه هيه ؟

قطه بيضه مضروبه بالشلوت

- طب حاجه سوده طايره فى السما وبتقول نياو - ايه هيه ؟

غراب بيستهبل

- طب حاجه سوده طايره فى السما ومبتقولش حاجه ؟

جذمه الراجل الى ضرب القطه البيضه

- طب حاجه سوده طايره فى السما ومبتقولش حاجه ايه هى ؟

غراب عاقل ومبيحبش الاستهبال

- حاجه زرقا طايره فى السما - ايه هى ؟

ذبابه لابسه بنطلون جينز ازرق

- طب حاجه سوده وفيها خط احمر وطايره فى السما من الشرق للغرب ؟

ذبابه لابسه فستان سواريه وحاطه روج احمر ورايحه فرح واحده صحبتها

- طب حاجه سوده وفيها خط احمر وطايره فى السما من الغرب للشرق ؟

نفس الذبابه نسيت حاجه فى البيت ورجعت تجيبها

- حاجه سوده ماشيه فى الصحراء ؟

سرب نمل رايح يعذى

- نقطه سوده على الحيطه ايه هى ؟

ذبابه

- طب نقطتين سوداء على الحيطه تبقى ايه ؟

فيشه

- طب ثلاث نقط على الحيطه تبقى ايه ؟

ذبابه وفيشه

- طب 54 نقطه سوده على الحيطه تبقى ايه ؟

يبقى البياض بيقشر

- حاجه رفيعه وطويله ولونها ابيض تبقى ايه ؟

فتله بيضاء

- طب حاجه رفيعه وطويله ولونها اسود تبقى ايه ؟

خيال الفتله البيضه

انا عارفه انى رخمت عليكم جدا جدا

بس انا عندى لسه رخامه كتير لو عايزين تسمعوا بقيت الرخامه وهتستحملوها قولوا ليه وانا اكملها