ازاى تبقى رخم؟؟؟؟؟؟؟؟؟

قول نكته طويله و لما تيجى عند آخر سطر و هو السطر المهم اللى فيه الأفيه و أعمل نفسك نسيته ، ولو حد غلس قوله : و الله كانت نكته جامده بس الظاهر أنى نسيتها .

• هات بخاخه مطهر ديتول و أمشى ورا شخص ما فى اى حته ، و كل ما الشخص ده يمسك حاجه و يسيبها ... تروح راششها بالمطهر على طول.
• و أنت بتتكلم فى موضوع أقطع كلامك و أدى انطباع أنك هاتكمل ... و ماتكملش ..."بس خلاص كده " .

• لما حد يشكى لك من حاجه قوله أنا عندى مشاكل أكتر منك.

• فى مطعم... بص للشخص اللى قاعد على ترابيزه جنبك و أنت ماسك لقمه فى ايدك و قوله "ممكن الطحينه بتاعتك ثوانى" ؟.

• كل ما حد يقولك حاجه عيدها بصيغه سؤال ، مثلا هايقولك "مش أنا اتجوزت" قوله "أتجوزت؟!" هايقولك "اه الشهر اللى فات" قوله " الشهر اللى فات؟!" ..... و هكذا .

• و أنت واقف بتتكلم مع حد برق عينيك فجأه و أسأله "سمعت؟!" هيسألك "سمعت ايه؟!" قوله ولا حاجه ... خلاص راحت .

• بعد عشر دقايق ، اعمل نفس الحركه تانى .

• و انت بتتكلم مع شخص ما ، ماتبصش فى وشه أبدا .

• و انت بتتكلم مع شخص ما ، افضل مركز فى وشه اوى .

• طول ما أنت قاعد مع زمايلك ، صفر موسيقى نشيد بلادى بلادى .

• علق فانوس كبير فى الشارع و حبال زينه ، بشرط ميكونش فى رمضان !!! .

• أتكلم مع الناس بصوت الروبوت .

• أستلف قلم من حد ، وحط القلم فى بقك ، و أعمل نفسك بتفكر و منهمك و أنت عمال تعضعض فى القلم !!! .
• و أنت فى المول ، ماتمشيش عادى ، لأ .. افضل نط لحد ماتوصل للمكان اللى رايحه .

• فى المترو امضغ لبانه بصوت عالى و انت واقف جنب حد بيقرا مجله او جرنان ، و أنت بتقرا معاه طبعا .

• اعزم ناس فى حفلات ناس تانيه "عيد ميلاد او خطوبه او فرح ..." .

• سيب اشاره العربيه الشمال شغاله لمده 5 كيلو متر من غير ماتلف .. و بعدين اطفيها فجأه و كمل طوالى !!! .

• أول ماتشوف كيس كاتشب واقع عالأرض دوس عليه برجلك جامد و قول للى معاك "أنا كنت بشوفه فاضى و لا مليان" !!! .

• فى حفله عيد ميلادك أطلب من ال D.jأنو يشغل أغنيه بعينها 18 مره ورا بعض .. "أنا بحب الأغنيه دى اوى يا جماعة" !! .

• لو واقف جنب حد بيعد فلوس و فى وسط ما هوا بيعد قول اى رقم عشوائى "862" .

• العب فى الوان التليفزيون لحد ما الصوره تبقى بنفسجى ، وتبقى الناس كلها لونها بنفسجى ، و اعزم اصحابك عالماتش عندك فى البيت .. و لو حد اعترض ، قوله "أنا شايف ان ده لون الحياه الحقيقى" !!! .

• و أنت ماشى فى حته اى حاجه تقابلك طبل عليها .

• البس جراب زى الجراب اللى بيتحط فيه المسدس .. بس حط فيه الريموت كنترول .

• غير القناه قبل نهايه الفيلم او الماتش او المسلسل بخمس دقايق .
lأضحك لواحده ماتعرفهاش فى الشارع وقولها بصوت عالى " ازيك .. عامله ايه؟!!!

ههههههههه تصدق فعلا لو اتوفر اللى بتقول عليه ده فى حد ده يبقى رخم اوووووووووووووى

طبعا موضوعك زى ماعودتنا
رائع جداااااااااااااا
طبعا انت عارف انا احيانا بختار كام بند من الرخامه الى انت كاتبها

عارف ارخم من كدا ايه

...................................................................
...................................................
...................................................
.........................................

ماشي يا ميمي

حلوة الرخامه بتنفع اوقات

ارخم واحد في الدنيا دي اللي يقول كلام في غير موضعه

حلو موضوعك بس انا مش بحب الرخامة
ولا ارخم على حد ولا حد يرخم عليا

عندك حق يا نونا
بس رخامة بهزار تفرق

على فكره اكتر حاجه انا بحب اعملها
لما انا وحد من صحابى نقعد نرخم على بعض
يالهوى بتبقى حاجه جامده جدااااااااااااا
تلاقى الناس كلها بتتفرج علينا
وخصوصا لو صحابى قوى
يعنى مش صحاب دراسه وخلاص
ولما نرخم بقى على حد من صحابنا يكون خنيق كده
بنخليه يكره نفسه

بس هزار والله

لاء والاحلي بقي لما نتفق كلنا نرخم علي حد اوتيجي صدفه انك تبداي ترخمي علي حد
تلاقي حد من اصحابك فهمك وكمل بقي اللعبه معاكي حاجة بتبقي فوق الروعه

اه فعلا بتبقى روعه
بس اهم حاجه طبعا انك تختارى الى ترخمى عليه
لان فيه ناس كده تلاقيها قافله وكئيبه ومبتحبش الهزار
بس الحمد لله صحابى كلهم بيحبوا الهزار جدااااااااا
يعنى انا امبارح وانا فى الامتحان كانت ماده المحاسبه الاداريه
رخمه جدااااااااا ومحدش عارف يحل حاجه واغلبيه صحابى معايا فى اللجنه
والله اقعدنا نضحك ونهزر بطريقه فظيعه جاتلنا هيستريه ضحك جامده
بقوا المراقبين هيشدوا فى شعرهم منا

يا سلام على الناس اللي بتتناقش في الرخامة

ايه رايك حلوه والله
جرب كده ترخم على حد بس بخفه دم
علشان ميكرهوكش
وابقى قولى اوك

ايه ياعمرو احنا اوقات بنعملها ولما بنغلس بتبقي تحفع فاكر لما بنرخم علي جيمي

طلع في اساتذة رخامة في المنتدى واحنا مش عارفين
هههههههههههههههه
انا بهزر طبعا

لاء اساتذة ورؤساء قسم ولا يهمك

اخبار امتحاناتك ياحمد ايه؟

الحمد لله كله تمام
ما عدا التفاضل طبعا
عقدت كل الجمهورية في امتحانات الرياضة الجايو

والله مش امتحانا الثانويه بس
الامتحانات كلها السنه ديه رخمه جدااااااااااا
وربنا يسطر والله انا اتعقدت ومبقتش اذاكر
كرهت المذاكره
يعنى المواد الى مذكراها معرفش احل فيها
قولولى اعمل ايه

بس امتحان التفاضل الجه لينا مش حكاية واحد مش مزاكر او مزاكر
امتحان معقد جدا
حتى في موجه رياضة معرفش يحلو ابدا
ومفيش حد عرف يحل ابدا
وطبعا ده هيأثر على مجموع اي حد كتير
يعني بالكتير الشاطر جدا عرف يحل مسألتين من 8 مسائل!!!!!!
وكمان مش متأكد منهم
ذنب الواحد ايه في كدة وهوة داخل المتحان مزاكر وزي الفل
الواحد فقد الأمل اي امتحان رياضة جاي تاني

لو امتحان سنه تانيه كان عاوز وقت شويه بس
بتاع 3 طين انت في سنه كام اصلا

بس يمكن لاني بحب الرياضه ومدرسه رياضه كمان

انا تالتة ثانوي
كمان بحب الرياضة جدا
وحالل مسائل كتير جدا
وكنت داخل على اني هقفل الامتحان
بس منه لله العمل الامتحان ده
اصل الامتحان الجه مش طين بس
معقد جدا
وفوق مستوى اي حد

معلش انا شفته شد حيلك بقي في باقي الفروع